Татарстан Республикасыннан 95 тонна гуманитар ярдәм белән чираттагы колонна азат ителгән территорияләрдә яшәүчеләргә җибәрелде. Бу колоннадагы иң кыйммәтле йөкләрнең берсе – Рубежное шәһәрендә яшәүчеләр өчен су савытлары. 300 л һәм 500 л күләмендәге 40 савытны Чаллының «Пласт Инжиниринг» компаниясе тапшырды, ул суны саклау һәм ташу өчен савытлар җитештерү белән шөгыльләнә. Махсус хәрби операция башланганнан бирле компания 70 л, 300 л һәм 500 л күләмендәге су өчен 120 савыт, шулай ук бу шешәләрне йөртү уңайлылыгы өчен махсус җайланмалар водороллерлар җибәрә. «Пласт Инжиниринг» директоры Эдуард Нургалиев әлеге гуманитар ярдәм азат ителгән территорияләрдә су китерү проблемасын хәл итәр һәм Рубежное шәһәрендә яшәүчеләрнең тормышын җиңеләйтер дип өметләнә.
Гуманитар йөкне формалаштыруда актив катнашкан өчен «Бердәм Россия» партиясенең Татарстан төбәк бүлеге секретаре Фәрит Мөхәммәтшин Эдуард Нургалиевка рәхмәт белдерде: «Сезнең ныклы гражданлык позициягез, үзара хезмәттәшлектә оперативлыгыгыз, җаваплылыгыгыз һәм шәхси кызыксынуыгыз безнең алда торган бурычларны нәтиҗәле хәл итәргә һәм яңа чакыруларга җавап бирергә мөмкинлек бирә», – дип билгеләп үтте ул.
При использовании информации просьба ссылаться на Управление информационной политики и по связям с общественностью.
Сишәмбе, 13 июнь 2023, 17:50