«Партия десанты» проекты кысаларында Шәһәр Советының «Мәрхәмәт-Милосердие» берләшмәсенең хатын-кыз депутатлары 52, 43 һәм 49 нчы мәктәпләрне ремонтлауны карадылар. Аларга әлеге мәктәпләр урнашкан округлар буенча сайланган депутатлар Виктор Поляков һәм Эдуард Панфилов кушылды. 52 нче мәктәпне ремонтлау февральдә башланган. Объектта көн саен «ВолгоПромСтрой»ҖЧҖнең 30лап эшчесе эшли. Бүгенге көндә мәктәп бинасында түбә һәм канализация системасын алыштыру буенча эшләр тулысынча тәмамланган, хәзер төзүчеләр эчке су белән тәэмин итүне һәм җылыту системасын яңарталар, бинаны бизәүне һәм аз агымлы челтәрләрне монтажлауны башкаралар.
43 нче мәктәпкә капиталь ремонтны «Медик»ҖЧҖ башкара. Искәртеп узабыз, бу мәктәп бүген депутатлар караган өч мәктәп арасында иң борынгысы. Ул 1985 елда төзелгән (49 мәктәп 1988 елда, 52 мәктәп 1990 елда файдалануга тапшырылган). Биредә дә ремонт февральдә башланган, башкаруның гомуми күләме 55% тәшкил итә. Актлар залын ремонтлау тәмамланып килә. Подрядчылар яхшы темп алдылар: төзүчеләр куллары белән спорт заллары, коридорлар үзгәртелә, яңа тәрәзәләр һәм ишекләр урнаштырыла.
49 нчы кадет мәктәбен яңарту башка мәктәпләрдән бераз алдарак башланды, «Спецпокрытие» ҖЧҖ гыйнварда ремонтлауга кереште. Эшләр 15 төр буенча алып барыла: түбә, спорт заллары, актлар залы, коридорлар, санузел, канализация, җылыту, вентиляция системалары ремонтлана, тәрәзәләр һәм ишекләр алыштырыла, шулай ук электр монтажлау эшләре һәм яңа янгын сигнализациясе урнаштырыла. Мәктәп директорлары билгеләп үткәнчә, капиталь ремонт үткәрү уку-тәрбия процессына йогынты ясамаган. Подрядчылар өчен бу беренче объект түгел, алар өзлексез уку вакыты шартларында эшли беләләр, педагогларга һәм укучыларга комачауламыйлар. Төп һәм иң шау-шулы эшләр хәзер, каникуллар чорында уза.
При использовании информации просьба ссылаться на Управление информационной политики и по связям с общественностью.
Чәршәмбе, 14 июнь 2023, 17:04