АМЯХ командасы "Ел табибы - Ак чәчәкләр" премиясенең «Уникаль очрак» номинациясендә җиңү яулады. Конкурска республиканың Ютазы районыннан 50 яшьлек пациентны коткару тарихы тәкъдим ителде, аның гомеренә куркыныч тудырган берьюлы өч диагнозы була: аневризма, аорта өзелү һәм катламлану. Аортаның тоталь зарарлануы 4 этап буенча торгызыла. Техник яктан катлаулы операцияләр 7 сәгать дәвам итә.
Аортаның бер өлеше синтетик протез белән алыштырыла, ул йөрәк белән тоташтырыла, ә аортаның дугасына стент-графт урнаштырыла. 15 минут эчендә хирурглар баш мие тамырларын яңа, ясалма аортага күчереп утыртуга ирешәләр. Ашыгыч медицина ярдәме хастаханәсе табиблары Россиядә беренчеләрдән булып күкрәк һәм корсак аортасын тулысынча гибрид протезлауны уңышлы үткәреп, аның барлык мөһим тамырларын саклап кала алдылар.
При использовании информации просьба ссылаться на Управление информационной политики и по связям с общественностью.
Дүшәмбе, 19 июнь 2023, 17:53