КФУның фәнни-тикшеренү институты студентлары һәм хезмәткәрләре гуманитар ярдәм җыйдылар. Бу юлы ул Шебекино шәһәрендә һәм Белгород өлкәсенең чик буе торак пунктларында яшәүчеләргә билгеләнгән, алар үз йортларын ташлап, вакытлыча урнаштыру пунктларына барырга мәҗбүр булганнар. Бу кешеләрнең һәрберсенә хәзер ярдәм кирәк.
"Бер атна эчендә без бик күп продуктлар, шәхси гигиена чаралары, балалар һәм өлкәннәр өчен памперслар, йорт хайваннарны өчен азык җыя алдык. Җыелган акчага бүген мендәрләр һәм юрганнар сатып алынган. Бу безнең беренче тәҗрибәбез түгел. Безнең университетның студентлары, укытучылары һәм хезмәткәрләре һәрвакыт андый эшкә шатланып ризалашалар һәм бу юлы да ватандашларыбыз өчен гуманитар йөк җыюда рәхәтләнеп катнаштылар", - дип сөйләде КФУның Социаль-тәрбия, мәдәни-массакүләм һәм спорт эшләре бүлеге башлыгы Александр Егоров.
Чаллыда бүгенге көндә Белгород өлкәсенең Шебекинск округында эвакуацияләнгән кешеләр өчен гуманитар ярдәм җыюның берничә пункты эшли, шул исәптән «Бердәм Россия» партиясенең җирле бүлекчәсе җәмәгать кабул итү бүлмәсе территориясендә дә.
"Андый вакытта авыр хәлдә калганнарны онытырга ярамый. Тагын бер тапкыр без шәһәрдә битараф булмаган, һәрвакыт ярдәмгә килергә әзер булган кешеләрнең күп булуына инандык. Безнең хәйрия акциясенә студентлар һәм укытучылар гына түгел, тәрбиячеләр һәм ата-аналар, гади шәһәр кешеләре дә кушылды. Кыска вакыт эчендә без якын көннәрдә адресатларга җибәреләчәк гуманитар ярдәм җыя алдык», - дип хәбәр итте «Бердәм Россия» партиясенең Чаллы бүлекчәсе башкарма секретаре Римма Фәсхетдинова.
При использовании информации просьба ссылаться на Управление информационной политики и по связям с общественностью.
Җомга, 23 июнь 2023, 16:43