Ел ахырына Чаллыда 46 резидент булачак, өстәмә сөйләшүләр очрагында – күбрәк. "Хәзерге резидентлар үсеше дәвам итә. Аларның һәр өченчесе үз өстенә алган йөкләмәләрен арттырды: 18 предприятие өстәмә эш урыннары булдырды, 13 резидент яңа төр продукция кертте һәм 14 резидент өстәмә инвестицияләр кертте", - дип хәбәр итте аппарат киңәшмәсе барышында алгарышлы үсеш территориясен үстерү бүлеге башлыгы Алия Бикташева. ТОР режимы гамәлдә булган чорда шәһәр бюджетына керемнәр суммасы 545,7 млн сум тәшкил итә. ТОР резидентларының муниципаль бюджетка салым түләүләре суммасы ел саен үсеш динамикасына ия. Мәсәлән, 2021 елда бу күрсәткеч 133,8 млн сум тәшкил итсә, 2022 елда инде 171,6.
"ТОР территориясе беренче чиратта Чаллы бизнесына ярдәм итә, - дип билгеләп үтте шәһәр мэры Наил Мәһдиев. - Күпләр бизнес алып баруның ташламалы шартларыннан файдаланган инде. Статус дүрт елдан соң тәмамланачак һәм бу мөмкинлекләр юкка чыгачак. Бу елларда без шәһәр бюджетына 500 миллион сумнан артык салым алдык, 8 меңнән артык эш урыны булдырылды. Барысы да яхшы бара: бизнес килә, өстәмә салымнар килә, шәһәрдә яңа компетенцияләр булдырыла. Икътисадны диверсификацияләү 13%. Шулай итеп, шәһәрдә без берничә мәсьәләне хәл итәбез".При использовании информации просьба ссылаться на Управление информационной политики и по связям с общественностью.
Дүшәмбе, 3 июль 2023, 10:22