"Демография" илкүләм проектының «Мәшгульлеккә ярдәм итү» федераль проекты кысаларында белем алу гражданнарга хезмәт базарында үзләрен эзләү өчен инструментарий бирә", - дип билгеләп үтте аппарат киңәшмәсе барышында «Чаллы шәһәре халыкны эш белән тәэмин итү үзәге» дәүләт казна учреждениесе директоры Татьяна Быданова.
Ел башыннан ук укырга 406 кеше кереште. Укуга иң зур кызыксынуны бала карау буенча ялда булган яки мәктәпкәчә яшьтәге балаларны тәрбияләгән хатын-кызлар күрсәтә, аларның укучы гражданнардан гомуми санының өлеше 72% тәшкил итә; 50 яшь һәм аннан өлкәнрәк гражданнар 22%.
Эшсез гражданнарны һөнәри укыту һәм өстәмә һөнәри белем бирү программасы буенча хисап чорында 123 кеше җибәрелгән. Укыту хезмәт базарында таләп ителгән программалар һәм һөнәрләр буенча оештырылган: тегүче, тракторчы-машинист, кондитер, аш-су остасы, менеджер-эшмәкәр, чәчтараш, «1С: Предприятие» программасын өйрәнеп ПЭВМ кулланучы, 1С программаларын өйрәнеп кадрлар эшчәнлеге: хезмәт хакы һәм персонал белән идарә итү, 1С программасын өйрәнүче ЭВМ операторы: предприятие һ.б.
Хәзерге вакытта барлыгы 529 кеше укырга кереште. Кадрлар дисбалансын киметү максатыннан һөнәри юнәлеш бирү чаралары үткәрелә. Ел башыннан 5,1 мең һөнәри юнәлеш бирү хезмәте күрсәтелгән. Һөнәри юнәлеш бирү буенча эш төрле категория гражданнар өчен алып барыла: мәктәп укучылары, яшьләр, хатын-кызлар, инвалидлар, ирекләреннән мәхрүм итү урыннарыннан азат ителгән затлар, «Возвращение», «Солнышко», «Изгелек» реабилитация үзәкләрендә реабилитация курсын узучы гражданнар; «Доверие», «Перекресток», «Асылташ» үзәкләрендә социаль хезмәтләр алучылар.
Быел интерактив һөнәри юнәлеш бирү мәйданчыклары бөтенроссия вакансияләр ярминкәсендә, Яшьләр көнендә оештырылды. Резюме тутыру буенча мастер-класслар, һөнәри юнәлеш бирү буенча тестлар, VR (виар) күзлекләр ярдәмендә һөнәрләр дөньясына сәяхәт үткәрелде.
Эшкә урнашуга мотивациясе түбән булган, эш эзләүдә кыенлыкларга юлыккан гражданнар өчен мәшгульлек үзәге психологик ярдәм һәм социаль адаптация программалары оештыра. Хисап вакытында 500дән артык эшсез гражданга әлеге дәүләт хезмәтләре күрсәтелде.
При использовании информации просьба ссылаться на Управление информационной политики и по связям с общественностью.
Дүшәмбе, 10 июль 2023, 09:34