«Ачык галерея» II ачык яшьләр урам графикасы фестиваленә гаризалар кабул итү башланды. Ул Татарстан Республикасы көне кысаларында узачак.
Фестивальдә катнашучыларга Габдулла Тукай исемендәге яр буе территориясендә граффити-проектлар булдыру һәм гамәлгә ашыру өчен тематик юнәлешләр тәкъдим ителә. Беренчесе - "Шәһәр архитектурасы", бу хәзерге һәм үткән елларның истәлекле урыннары, әһәмиятле объектлары. Киләсе юнәлеш "Шәһәр йөзләрдә", шәһәрнең танылган кешеләре, шәһәр һөнәрләре образлары турында. Өченче юнәлеш - граффити "Г.Тукай әсәрләре мотивлары буенча".
Катнашуга 14 яшьтән өлкәнрәк яшьләр чакырыла. Ун кешегә кадәр шәхси һәм коллектив гаризалар кабул ителә. Сайлап алудан үткән, нигезнамә шартларын үтәгән барлык катнашучылар фестиваль тәмамланган көнне 3 000 сумнан 5 000 сумга кадәр акчалата бүләк алалачак.
Фестиваль җиңүчеләре дипломнар һәм акчалата призлар белән бүләкләнә. Беренче урын өчен катнашучы яки команда 15 000 сум, икенче урын өчен 10 000 сум һәм өченче урын өчен 8 000 сум алачак.
Электрон почтага фестивальдә катнашу өчен гаризалар һәм эскизлар кабул итү: mcnur@mail.ru электрон почтасына "Урам графикасы фестивале-2023" билгесе белән 3 августка кадәр үткәрелә. Белешмәләр өчен Телефон-8 (8552) 39-68-30. Гаризаны рәсмиләштерү турында тулырак нигезнамәдә (в положении)
Оештыручылар: Чаллы шәһәре Башкарма комитеты һәм «Нур» яшьләр үзәге.
При использовании информации просьба ссылаться на Управление информационной политики и по связям с общественностью.
Дүшәмбе, 24 июль 2023, 10:32