20 августта Мәскәү проспектын дәвам итү буенча эшчеләр хәрәкәтен башларга планлаштыралар. Бу хакта «РБР 16» генераль директоры Таһир Сөнгатуллин хәбәр итте. Башкарылган эшләрнең масштабын партия десанты бәяләде, аның составына муниципаль берәмлек башлыгы урынбасары Ирина Сәгыйдуллина, Шәһәр Советы депутатлары Әбделхак Батюшов, Рөстәм Гайнуллов, Әлфинур Галиәкберова, Альберт Петров, Сергей Хлебников һәм «Бердәм Россия» партиясенең Чаллы бүлекчәсе башкарма секретаре Римма Фәсхетдинова керде.
Яңа юлның озынлыгы 1,3 км тәшкил итә. Бу юл беренче шәһәр категориясендә, һәр юнәлештә ике хәрәкәт полосасы, җирле юллар, тротуарлар һәм яктырту белән эшләнә. Бу участокта төзүчеләр эшләрнең соңгы өлешенә керештеләр. "Чаллы елгасы аша төзелгән күпергә килгәндә, биредә эшләр яңа дәрәҗәгә чыга анда белгечләр япманы гидроизоляцияләүгә керешә", - дип хәбәр итте Таһир Сөнгатуллин.
Чаллы елгасы кечкенә, озынлыгы 50 км һәм Сарман районыннан башлангычын ала. Су басу вакытында елга бик зур территориядән су җыя.
Күпернең озынлыгы 96 метр, ул биш пролетлы, юлның йөрү өлеше дүрт полосалы. Моннан тыш, велосипед юллары белән ике тротуар каралган. Орловка бистәсендәге торак йортларга килгәндә, алар тавыш саклау экраннары белән әйләндереп алыначак.
Бу объектта эшләр «Стимул» федераль программасы буенча алып барыла.
При использовании информации просьба ссылаться на Управление информационной политики и по связям с общественностью.
Чәршәмбе, 2 август 2023, 17:08