15 августтан Яр Чаллыда җылылык торбаларын гидравлик сынауларның 6нчы йомгаклау этабы башлана. Бу хакта эшлекле дүшәмбе киңәшмәсендә башкарма комитет җитәкчесенең беренче урынбасары Илья Зуев хәбәр итте. Торак йортларның, социаль объектларның җылылык сезонына паспортлары 15 августка кадәр әзер булырга тиеш.
Шәһәр мэры Наил Мәһдиев идарә башлыкларына бу эшләрне шәхси контрольгә алырга кушты. «Без илебезнең төньяк өлешендә яшибез. Сентябрь башында көтелмәгән хәлләр килеп чыкмасын өчен торак йортларны, социаль объектларны җылыту сезонына әзерләү өчен барлык эшләрне тәмамларга кирәк», – дип искәртте ул.
При использовании информации просьба ссылаться на Управление информационной политики и по связям с общественностью.
Дүшәмбе, 7 август 2023, 10:12