Бүген шәһәр мэры Наил Мәһдиев башкарма комитет җитәкчесе Фәрид Салахов белән бергә ГЭС бистәсендәге мәдәният һәм ял паркында булдылар, шулай ук Гидростроительләр урамында, «Энергетик» мәдәният йорты янындагы җир асты үтүендә һәм күпер астындагы борылышта төзелеш эшләренең барышын тикшерделәр.
ГЭС бистәсендәге Гидротөзүчеләр урамында капиталь ремонт башланды. Бу максатка республика бюджетыннан 150 млн сум акча бүленеп бирелде. Төзекләндерү белән “РБР-16” компаниясе шөгыльләнә. 10нчы мәктәп янында заманча җәяүле юлы ясалачак. Шулай ук “Энергетик” мәдәният йорты янындагы җир асты кичүен дә тәртипкә китерәләр. “Автомобиль юллары предприятиесе” аны тулысынча яңартып ясаячак. Ремонтны 12 октябрьгә тәмамларга планлаштыралар.
При использовании информации просьба ссылаться на Управление информационной политики и по связям с общественностью.
Сишәмбе, 8 август 2023, 11:44