10 августта ГЭСның 3нче комплексы ишегалдында шәһәр халкы «Матурлыкка омтылдык» спектаклен күрсәтәчәк. Спектакль шәһәрдәшләребезнең ГЭС турындагы шәхси тарихларыннан тупланган. Спектакль Таһир Сөнгатуллинның ГЭС. Перезагрузка депутатлар штабы ярдәме белән куела.
Керү ирекле һәм теркәлмичә, тамашачыларны 19:00 сәгатьтә көтәләр, спектакль 19:30 сәгатьтә башлана. Тамаша 3/14/2, 3/30/1 һәм 3/30/2 йортлары янында узачак. Танып белү билгесе - агачка эленгән ак тасмалар һәм бер стакан сөт.
Быелның гыйнварыннан «Ишегалдында театр» проектында катнашучылар ГЭС турында хикәяләр җыйдылар, "Театр аша" проектының кураторы Регина Будяшкина, «Метро» театр лабораториясе җитәкчесе һәм режиссеры Алсу Низамиева һәм драматург Элина Петрова белән бергә спектакль өчен мәгълүмат җыю процессын өйрәнделәр.
Июль аенда «Ишегалдында театр» проекты командасына Казан режиссеры Динә Сафина кушыла һәм команда белән берлектә «Матурлыкка омтылдык» спектакленең структурасына һәм канвасына туры китереп ГЭС турында халык тарихларын җыя.
При использовании информации просьба ссылаться на Управление информационной политики и по связям с общественностью.
Чәршәмбе, 9 август 2023, 12:50