Комсомол районында "Күршеләр көне" бәйрәме узды, аны "Иске Чаллы" ТИҮ рәисе Әлфия Гыйзатуллина һәм "Үзәк" ТИҮ рәисе Идая ГАБДРАХМАНОВА оештырды. Чараны муниципаль берәмлек башлыгы урынбасары Ирина Сәгыйдуллина, Шәһәр Советы депутаты Таһир Сөнгатуллин, Комсомол районы администрациясе башлыгы Ленар Әхмәтҗанов ачтылар.
"Мәктәпкә җыенырга ярдәм ит" республика акциясе кысаларында алар мохтаҗ гаиләләрдә тәрбияләнүче балаларга мәктәп кирәк-яракларын сатып алу өчен бүләк сертификатлары тапшырдылар.
ТИҮ рәисләре 9 комплекста яшәүче рәссамның картиналары һәм анда яшәүчеләрнең иҗади эшләре күргәзмәсен оештырдылар, шәһәр укучылар Советы әгъзалары - шәһәрнең тарихи урыннары буенча экскурсия оештыру проекты турында сөйләделәр.
"Уңыш навигаторы" социаль үзәге блиндаж шәмнәр ясау буенча мастер-класс оештырды һәм махсус хәрби операция ихтыяҗлары өчен үз җитештерү продукциясе белән таныштырды.
Бәйрәмдә "Эврика" мәдәният үзәге солистлары һәм коллективлары чыгыш ясады, балалар шаян аниматорлар белән күңел ачты. Киләсе очрашу иртәгә, 15 августта 17.30 сәгатьтә ЗЯБ бистәсенең 6/11 кварталында булачак.
При использовании информации просьба ссылаться на Управление информационной политики и по связям с общественностью.
Сишәмбе, 15 август 2023, 10:09