Татарстан Республикасы Рәисе премиясен гражданлык җәмгыяте институтларын үстерүгә өлеш керткән өчен бүләкләү комитеты 2023 елның 23 августыннан Татарстан Республикасында граждан җәмгыяте институтлары үсешенә өлеш керткән өчен Татарстан Республикасы Рәисе премиясен алуга документлар кабул итү башлануы турында хәбәр итә.
Премиягә тәкъдим итү Татарстан Республикасы территориясендә теркәлгән коммерциягә карамаган оешмалар, Татарстан Республикасы дәүләт хакимиятенең башкарма органнары каршындагы иҗтимагый советлар, Татарстан Республикасының тиешле муниципаль берәмлекләрендә төзелгән иҗтимагый советлар тарафыннан башкарыла.
Премия түбәндәгеләргә бирелә:
- Россия Федерациясе гражданнарына, социаль юнәлешле коммерциячел булмаган оешмаларга иҗтимагый танылу алган, социаль юнәлештәге коммерциячел булмаган секторны үстерүгә зур өлеш керткән, югары һөнәри осталык дәрәҗәсе белән аерылып торган, яңа һәм оригинальлеккә ия граждан җәмгыяте өлкәсендә фәнни тикшеренүләр өчен;
- Татарстан Республикасында граждан җәмгыяте институтларын үстерүгә зур өлеш керткән өчен Россия Федерациясе гражданнарына.
Премия алуга тәкъдим ителүчеләр түбәндәге документларны тапшыра:
а) Премиягә тәкъдим ителүче турында үтенечнамә;
б) Премиягә тәкъдим ителүченең анкета мәгълүматлары;
в) Премиягә тәкъдим ителүченең Премия алуга тәкъдим ителгәнче бер ел эчендә эшчәнлеге турында мәгълүмат;
г) Татарстан Республикасында граждан җәмгыяте институтларын үстерүгә Премиягә тәкъдим ителүченең кертеме турында мәгълүмат;
д) гамәлгә ашырылган проектларны (инициативаларны) һәм Премиягә тәкъдим ителүченең проектларын (инициативаларын) гамәлгә ашыру йомгаклары буенча ирешелгән социаль эффект турында күрсәтмә бирә торган өстәмә материалларны тасвирлау.
Премия алу буенча документлар Татарстан Республикасы Иҗтимагый палатасында 2023 елның 23 августыннан 26 сентябренә кадәр (шул көнне кертеп) түбәндәге адрес буенча кабул ителә: 420111, Татарстан Республикасы, Казан шәһәре, Батурин ур., 7А йорт, 135 каб. Элемтә өчен телефон: (843) 567-80-95.
При использовании информации просьба ссылаться на Управление информационной политики и по связям с общественностью.
Пәнҗешәмбе, 7 сентябрь 2023, 16:02