Көзге ярминкәләр иртәнге сәгать 8дән көндезге 3кә кадәр эшли. Без Ипподромга барып кайтырга булдык. Сәгать 9лар тирәсе. Халык күп түгел. Сатучылар тезелеп киткән. Сарман, Әгерҗе, Тукай районы... Татарстанның төрле районнарыннан килгәннәр.
Ярминкәдә дуңгыз, ат итләре дә бар. Яшелчәләр бик күп. Халык ремантант кура җиләген сатып ала. Кечкенә савыты 150 сум. Бер чиләк алма һәм слива - 250 сум. Грушага 350 сум сорыйлар.
Кишер, суган, бәрәңге сатучылар да бихисап. Чиләкләп тә, капчыклап та алырга мөмкин. Бер чиләк бәрәңге 250-280 сум тора. Суганның килосы 22 сум. Кишер - 25, чөгендер 16 сумнан. Онның бер килограммы - 75 сум.
Ярминкәдәге бөтен продукцияне санап бетерерлек түгел. Шунысы ачык: бер чыксаң, буш кул белән кайтмаячаксың. Азык-төлек сыйфаты күзгә бәрелеп тора. Халык та акчасын кызганмый. Һәркайсында икешәр пакет. Димәк, ярминкәләргә ихтыяҗ зур.
Көзге ярминкәләр атнаның һәр шимбәсендә Ипподромда, "Төзүчеләр" стадионы мәйданында һәм "Южный" агросәнәгать комплексында узачак.
При использовании информации просьба ссылаться на Управление информационной политики и по связям с общественностью.
Шимбә, 9 сентябрь 2023, 21:00