29 сентябрьда Яр Чаллының Боз сараенда бокс буенча зур турнир оештырыла. Рингта Россия командасы Таҗикстан боксчылары белән очрашачак. Бу хакта матбугат конференциясендә хәбәр иттеләр.
Барлыгы 7 турнир булачак. Рингта Кевин Джонсон белән Джейсон Гаверн да сугышачак. Алар икесе дә Американың танылган боксчылары. Турнирның махсус кунагы - Джефф Монсон.
"Яр Чаллыга "Снеговик" Джефф Монсонның килүе – зур вакыйга. Ул республикада бушлай грэпплинг, ММА клублары ача. Турнир көнне хәйрия аукционы оештырачакбыз. Джефф Монсон имзасы белән бокс перчаткалары уйнатачакбыз. Акча Яр Чаллы егете тернәкләнүенә тотылачак", - дип сөйләде турнир оештыручы һәм катнаш көрәш Федерациясе президенты Андрей Самцов.
При использовании информации просьба ссылаться на Управление информационной политики и по связям с общественностью.
Чәршәмбе, 13 сентябрь 2023, 10:47