Балалар сәнгать мәктәбендә, көллият һәм югары уку йортларында белем бирүче укытучылар арасында россиякүләм бәйге уздырылды. РФ мәдәният министрлыгы нәтиҗәләр ясады. 100 укытучы - 500шәр мең, 50 укытучы 1шәр миллион сум премиягә лаек булды. Исемлектә Яр Чаллы укытучылары да бар. Сәнгать көллияте укытучысы Евгения Ермилова 1 млн сум премия алды.
С. Сәйдәшев исемендәге 6нчы балалар музыка мәктәбенең халык-клавиша уен кораллары бүлеге укытучысы Елена Лобанова 500 мең сум күләмендә премиягә лаек булды. Педагогларның икесе дә конкурста Татарстан данын яклады.
При использовании информации просьба ссылаться на Управление информационной политики и по связям с общественностью.
Дүшәмбе, 9 октябрь 2023, 16:03