Быел шәһәр мәктәпләрендә 280 беренче сыйныф туплана. Чаллыда беренче сыйныфка укучылар кабул итү компаниясе 1 апрельдә башлана.
Бу хакта Башкарма комитетның мәгариф идарәсе башлыгы Рөстәм Хуҗин хәбәр итте.
«1 апрельдән балаларны беренче сыйныфка кабул итүнең беренче этабы башланачак. Яшәү урыны буенча беркетлгән мәктәпкә документларны 30 июньгә кадәр тапшырырга була. Икенче этап 6 июльдән 5 сентябрьгә кадәр була. Бу вакытта ата-ана, әгәр урын булса, баласын теләсә кайсы мәктәпкә урнаштыра ала. Шулай ук әти-әни беренче баласы укыган мәктәпкә икенче баласын бирергә хокуклы», – диде ул.
При использовании информации просьба ссылаться на Управление информационной политики и по связям с общественностью.
Пәнҗешәмбе, 21 март 2024, 13:05