Бу атнада, 30 августта, шәһәр халкын һәм кунакларын икеләтә бәйрәм – Республика көне һәм Шәһәр көне уңаеннан чаралар көтә. Рәсми тантаналар шәһәрнең өч районында да уза. Бу хакта аппарат киңәшмәсе барышында Башкарма комитет җитәкчесе урынбасары Винер Харисов хәбәр итте.
10:00 сәгатьтән Хәсән Туфан проспектында «Акварель-2023» күләмле чәчәк композицияләре күргәзмәсе эшли башлаячак. Шәһәр халкы һәм кунаклары өчен чәчәк-декоратив үсемлекләр ярминкәсендә сату, күләмле чәчәк композицияләре күргәзмәсе оештырылачак.
11:00 сәгатьтә Ипподромда ат чабышлары, милли көрәш башлана. «Татарстанның төп байлыгы - халыклар дуслыгы» бәйрәм концерты уза.
12:00 сәгатьтә Шишкин бульварында һәм Габдулла Тукай исемендәге яр буенда бәйрәм концертлары оештырыла.
13:00 сәгатьтә «Яр буе» паркы мәйданында «Туган көнең белән, Республика» концерты була.
16:00 сәгатьтә Җиңү паркында шәһәрнең иҗат коллективлары «Прекрасен ты – мой Татарстан» концерты оештыра.
Төп тамаша «Яр буе» паркы мәйданында уза. 17:00 сәгатьтә шәһәр артистлары һәм иҗат коллективлары чыгыш ясаячак.
При использовании информации просьба ссылаться на Управление информационной политики и по связям с общественностью.
Дүшәмбе, 26 август 2024, 08:53