Шәһәр Советының даими комиссиясе утырышы узды

Чаллы шәһәре хакиме Наил Мәһдиев рәислегендә Шәһәр Советының даими комиссияләренең уртак утырышы узды.

Аның барышында депутатлар шәһәр Уставына, Шәһәр Советының даими комиссияләре составына, шулай ук Башкарма комитет структурасына үзгәрешләр кертүгә кагылышлы мәсьәләләр буенча фикер алышты.

Устав проекты гавами тыңлауларга чыгарылды. Алар 22 ноябрьдә 14:00 сәгатьтә Башкарма комитет бинасының 400 залында узачак.