Россия Социаль фондының Татарстан Республикасы буенча бүлеге хәбәр иткәнчә, ноябрьдә балалар өчен түләүләрне күчерүнең кайбер даталары ял көннәренә туры килә, шуңа бәйле рәвештә акча күчерү графигына төзәтмәләр кертелде.
2 ноябрьдә әти-әниләргә киләчәк түләүләр :
- туган көненнән алып 17 яшенә кадәрге балалар өчен һәм йөкле хатыннарга бердәм пособие;
- 2023 елның 1 гыйнварына кадәр беренче бала тууга (уллыкка алынуга) бәйле рәвештә 3 яшенә кадәрге түләү;
- 1,5 яшенә кадәр бала караучы эшләмәүче ата-аналар өчен пособие.
5 ноябрьдә — әти-әниләргә киләчәк түләүләр :
- ана капиталы акчаларыннан балага 3 яшь тулганчы ай саен түләнә торган түләү.
8 ноябрьдә — әти-әниләргә киләчәк түләүләр :
- 1,5 яшькә кадәр бала караучы эшләүче ата-аналарга пособие.
Бик мөһим! Түләүләр «МИР» картасына көн дәвамында күчереләчәк. Әгәр акча иртән килмәгән икән, көн ахырына кадәр көтәргә кирәк.
Почта элемтәсе бүлекчәләре аша пособиеләр һәм пенсияләр алучы гражданнарга түләүләр элек расланган график нигезендә китереләчәк. Аны үзеңнең почта бүлекчәңдә ачыкларга мөмкин.
8-800-1-00000-1 телефоны буенча Татарстан Республикасы Россия Социаль фонды бүлегенең бердәм контакт-үзәгенә шалтыратып, консультация алырга була.При использовании информации просьба ссылаться на Управление информационной политики и по связям с общественностью.
Чәршәмбе, 30 октябрь 2024, 12:48