Чаллыда Яңа ел бәйрәмнәренә старт бирелде

Яңа ел чыршылары ачыла башлады. Алар «Бумажников» микрорайонында, Энтузиастлар бульварында һәм 38 нче комплекс йорты ишегалдында ачылды.

Чаллылылар өчен матур Яңа ел тамашалары узды.

 Шәһәрдә чыршылар күбесенчә халык яратып йөргән урыннарга куела.

Чаллылыларны якынлашып килүче бәйрәм белән Татарстан Республикасы Дәүләт Советы депутаты Олег Николаев, муниципаль берәмлек башлыгы урынбасары Ирина Сәгыйдуллина, Шәһәр Советы депутаты Андрей Елантьев, Башкарма комитеты җитәкчесенең беренче урынбасары Илья Зуев һәм Үзәк районы хакимияте башлыгы Фидәрис Хәбибуллин котлады.