Денис Мацуев Яр Чаллыдагы музыка һәм сәнгать мәктәпләрендә тәрбияләнүче алты укучыны бүләкләде

«КАМАЗ»ның беренче йөк автомобиле чыгарылуга 50 ел тулу уңаеннан Орган залында РФның халык артисты Денис Мацуев һәм РФның халык артисты Александр Сладковский җитәкчелегендә Татарстан Республикасының Дәүләт академия симфоник оркестры концерты узды.

«Симфоджаз» бәйрәм концерты Татарстан Республикасының Дәүләт академия симфоник оркестры чыгышы белән башланды. Музыкантлар иң элек «КамАЗ яшьлеге» увертюрасын, аннары башка танылган әсәрләрне башкардылар.

Денис Мацуев, кулына «КАМАЗ» дип язылган кепка тотып, чаллылыларны бәйрәм белән котлады: «Кичә аэропортка төшүгә үк, үземне өйдәге кебек хис иттем! Мин бу уникаль бренд, бу уникаль команда белән яшьтәш булуым белән горурланам. Аны минем дустым Сергей Анатольевич Когогин җитәкли. Ул бу Орган залында гаҗәеп бер төрле терапия барганын аңлый, ә ул һәркемгә, шул исәптән легендар КАМАЗ коллективына да кирәк. Бу бик нык сизелә, чөнки академик һәм джаз музыкасы концертлары чын мәгънәсендә терапия булып тора».

Наил Мәһдиев котлау чыгышында Сергей Когогин белән Денис Мацуев арасындагы дуслыкны аерым билгеләп үтте: «Бу ике бөек кеше илебез өчен бик күп эшли. Сергей Анатольевич үз командасы белән бергә легендар КАМАЗларны тудыра, алар бүген халык хуҗалыгында да, Россия Федерациясе Кораллы Көчләрендә дә хезмәт итә. Ә Денис Леонидович безне югары музыка сәнгатенә якынайту өчен барысын да эшли. Без аңа дуслыгы өчен генә түгел, хезмәте өчен дә рәхмәтле. Күптән түгел генә илебез Президенты Владимир Путин Кремльдә Денис Леонидовичка «Ватан алдындагы казанышлары өчен» IV дәрәҗә орденын тапшырды. Ярты миллионлы автошәһәр исеменнән сезгә тирән рәхмәт һәм баш иябез!».

Шунысын да билгеләп үтәргә кирәк: инде сигезенче ел рәттән «КАМАЗ» ААҖ һәм Сергей Когогин ярдәме белән, шулай ук Иветта Воронова исемендәге «Яңа исемнәр» хәйрия фонды президенты, РФның халык артисты Денис Мацуевның шәхси булышлыгы белән, Яр Чаллының балалар сәнгать мәктәпләре укучылары илнең иң яхшы педагогларыннан мастер-класслар уза. Иң сәләтле яшь музыкантлар һәм рәссамнар тыңлаулар һәм карап бәяләүләр нәтиҗәсендә Фонд стипендиатлары булалар.

Быел балалар һәм педагоглар өчен мастер-класслар гадәттәгечә бер көн генә түгел, ә дүрт көн дәвам итте. Алар 6 нчы балалар музыка мәктәбендә һәм 1 нче балалар сәнгать мәктәбендә узды. Быел сәләтле балалар белән П.И. Чайковский исемендәге Мәскәү дәүләт консерваториясе профессоры Константин Маслюк (фортепиано), Гнесиннар исемендәге Россия музыка академиясе укытучысы Иосиф Пуриц (баян), Е.Ф. Светланов исемендәге Дәүләт академия симфоник оркестры солисты Евгения Китанова (флейта), Гнесиннар исемендәге РМА профессоры Михаил Горобцов (домра), Сергей Андрияка исемендәге акварель һәм нәфис сәнгать академиясе укытучысы Алиса Каргина (сынлы сәнгать) шөгыльләнде.

Конкурс сайлап алулары нәтиҗәсендә алты укучы стипендиат булды: Дилә Сөнгатова (домра, 1 нче балалар музыка мәктәбе), Әмир Әхмәтов (фортепиано, 3 нче балалар музыка мәктәбе), Самат Сәхәбов (тромбон, С. Сәйдәшев исемендәге 6 нчы балалар музыка мәктәбе), Таһир Шакиров (баян, С. Сәйдәшев исемендәге 6 нчы балалар музыка мәктәбе), София Пенькова (фортепиано, 7 нче балалар сәнгать мәктәбе), Әнвәр Әхмәтзянов (сынлы сәнгать, 1 нче балалар сәнгать мәктәбе).

Денис Мацуев 2026 ел җиңүчеләренә сертификатларны шәхсән үзе тапшырды. Моннан тыш, яшь талантлар Суздальдәге «Яңа исемнәр» уникаль Халыкара җәйге иҗат мәктәбенә юллама да алдылар.

Әлеге проект 2018 елдан бирле гамәлдә һәм «КАМАЗ» ААҖ, Иветта Воронова исемендәге «Яңа исемнәр» хәйрия фонды һәм Яр Чаллы шәһәре Башкарма комитеты арасында өчьяклы хезмәттәшлек кысаларында тормышка ашырыла.

Бу өлеш урта һөнәри белем бирү системасын һәм «Профессионалитет» федераль проектын үстерү өчен зур әһәмияткә ия. «Профессионалитет» федераль проекты Россия Федерациясен 2030 елга кадәр социаль-икътисади үстерү өлкәсендәге башлангычларның берсенә әверелде. Проектның төп бурычлары арасында белем бирү-җитештерү үзәкләре, ягъни кластерлар, һәм урта һөнәри белем бирүнең белем кластерларын булдыру бар. Алар көллиятләрне реаль икътисад секторы, хезмәт күрсәтү өлкәсе һәм социаль тармак оешмалары белән берләштерүне күздә тота.