Шәһәрдә массакүләм һәм һөнәри спортның актив үсеше дәвам итә. Статистик мәгълүматларга караганда, мәктәп укучыларының 57%ы (42 меңнән артык укучы) даими рәвештә физик культура белән шөгыльләнә дип сөйләде физик культура һәм спорт идарәсе башлыгы Ренат Әхмәтшин.
Мәктәп лигалары югары нәтиҗәләр күрсәтә: 42 нче мәктәп командасы Мәктәп футбол лигасының республика финалында җиңү яулады, ә 77 нче гимназия һәм 19 нчы мәктәп җыелма командалары волейбол беренчелегендә бронза медаль яуладылар.
«Тигез мөмкинлекләр спорты» проекты кысаларында адаптив спортны үстерүгә аерым игътибар бирелә. Хәзерге вакытта мөмкинлекләре чикләнгән 8 меңнән артык кеше даими дәресләргә җәлеп ителгән, алар өчен махсус чемпионатлар һәм спартакиадалар үткәрелә.
Махсус хәрби операция ветераннарын социаль адаптацияләү спорт идарәсенең мөһим юнәлеше булып тора. Аерым алганда, Казанда узган «Татарстан Республикасы Рәисе спорт кубогы»нда Яр Чаллы спортчылары армрестлингта алтын һәм волейболда көмеш медальләр яуладылар. Өлкән буын өчен актив озын гомер программалары гамәлгә ашырыла, шул исәптән «Өченче яшь» спартакиадасы һәм скандинавия йөреше белән шөгыльләнү.
Хисап чоры үз эченә 120 мең кешене һәм 200дән артык чараны кертте. Шәһәрнең 400 еллыгына һәм беренче «КАМАЗ» йөк автомобиле чыгаруга 50 ел тулуга багышланган зур ярышлар уздыру мөһим вакыйга булды. Алар арасында 200 катнашучыны җыйган 25 нче «Кама чаңгы марафоны» (2 млн сумлык бүләкләр белән) һәм Муса Җәлил истәлегенә көрәш турниры, анда 400 мең сумлык төп приз өчен илнең иң көчле 320 көрәшчесе көч сынашты.
Шулай ук шәһәр ипподромында Кубок һәм Россия чемпионаты этаплары кысаларында 50 пилотны берләштергән 30 нчы юбилейлы «Салават Кубогы» узышлары оештырылды. Югары дәрәҗәдәге турнирларны оештыру республика җитәкчелеге, депутатлар корпусы һәм шәһәр төзүче предприятиеләр ярдәме белән мөмкин булды.
2026 ел халыкара һәм бөтенроссия мәйданнарында югары нәтиҗәләрдән башланды. Авыр атлетика буенча Россия Кубогында алтын медальләрне Зөлфәт Гәрәев һәм Милана Кутякина яулады, «көмеш»кә Регина Шәйдуллина лаек булды, бу спортчыларга Грузиядә узачак Европа чемпионатына сайланырга мөмкинлек бирде. Дзюдочы Нияз Билалов Париждагы «Зур шлем» турнирында бронза медаль иясе булды.
Физик культура һәм спорт идарәсенең 2026 елга планнарында - спорт резервын әзерләү программаларын гамәлгә ашыруны дәвам итү, адаптив спортны үстерү һәм картинг, җилкәнле спорт, җиңел атлетика һәм башка дисциплиналар буенча шәһәрнең һәм автогигантның юбилей даталарына багышланган масштаблы массакүләм чаралар үткәрү.
При использовании информации просьба ссылаться на Управление информационной политики и по связям с общественностью.
Сишәмбе, 24 февраль 2026, 09:25