Бүген Яр Чаллы татар дәүләт драма театрында КАМАЗга багышланган «Чыкты атым күләгәдән» спектакленең премьерасы узды. Куелыш берьюлы ике телдә — татар һәм рус телләрендә тәкъдим ителде.
Спектакль вакыйгалары ике дөньяда бара: беренче «Мустанг» туган конструктор кабинетында һәм безнең көннәрдә, анда йөк автомобиле фронтка эләгеп, берничә тапкыр хәрбиләрне коткара.
Автозавод тарихына багышланган театраль куелышта сценография элементы буларак чын КАМАЗ-4350 йөк автомобиле кулланылган.
.jpeg)
Шәһәр мэры Наил Мәһдиев премьераны Яр Чаллы һәм автогигант өчен мөһим вакыйга дип атады. Ул тамашачыларга театр бинасының тарихын — элекке «Төзүче» мәдәният сараен искә төшерде, биредә 70 нче елларда КАМАЗ төзүчеләренең мәдәни тормышы кайнаган. Шәһәр мэры билгеләп үткәнчә, ул буынның кыю хыяллары һәм планнары аларның максатчанлыгы, сәләте һәм кешелеклелеге аркасында тормышка ашкан.
Наил Мәһдиев ил җитәкчелегенә һәм Владимир Путинга, Татарстан Республикасы Рәисе Рөстәм Миңнехановка, Россия Дәүләт Думасы депутаты Әлфия Когогинага, шулай ук КАМАЗ генераль директоры Сергей Когогинга һәм бөтен хезмәт коллективына аерым рәхмәт белдерде. Мэр сүзләренчә, нәкъ менә аларның уртак тырышлыгы нәтиҗәсендә шәһәрдә заманча һәм халык арасында ихтыяҗлы театр бинасы барлыкка килде, ә әлеге спектакль дөнья күрде.
«Чыкты атым күләгәдән» спектакле 15 мартта Аяз Гыйләҗев исемендәге татар драма театрында күрсәтеләчәк.
При использовании информации просьба ссылаться на Управление информационной политики и по связям с общественностью.
Җомга, 13 март 2026, 22:09