«Ышаныч» халыкка комплекслы социаль хезмәт күрсәтү үзәгенең көндезге тору бүлекчәсендә гадәти булмаган һәм мөһим «Фидакарь хезмәт һәм хәрби батырлык: төшенчәләрне аңлату» дип исемләнгән дәрес узды. Очрашу өч мөһим вакыйга кысаларында: Россия халыклары бердәмлеге елы, Татарстанда фидакарь хезмәт һәм хәрби батырлык елы һәм Идел буе федераль округының «Менталь сәламәтлек» масштаблы иҗтимагый проекты кысаларында оештырылды.
Дәреснең төп максаты — сөйләм күнекмәләрен камилләштерү генә түгел, ә ил тарихына һәм кыйммәтләренә тирәнтен төшенү булды. Катнашучылар сугыш һәм хезмәт геройлары турында текстларны кулланып, дикция, грамоталылык һәм сөйләм осталыгы өстендә эшләделәр.
Социаль эш буенча белгеч Гүзәл Фәйзетдинова катлаулы төшенчәләрне аңлатуга аерым игътибар бирде. Батырлык нәрсә ул? Дан нәрсәдә чагыла? Фикерләү аша катнашучылар танып-белү функцияләрен һәм аралашу күнекмәләрен үстерделәр. Батырлык һәм дан төшенчәләрен аңлату катнашучыларның дөньяга карашын киңәйтү белән генә чикләнмәде, ә җылы, берләштерүче әңгәмәгә әверелде. «Мин нәрсәне яхшы башкара алам» дигән күнегү очрашуның үзенчәлекле һәм тәэсирле тәмамлавы булды.
Төшенчәләрне аңлату дәресе, үз-үзеңне танып-белүгә күнегү белән берлектә, катнашучыларга зур ил тарихыннан үз шәхесләренә күпер ясарга, югары китаби идеалларны үз тормышларына күчерергә һәм батырлык белән данның үз шәхесләренең бер өлеше икәнен тоярга ярдәм итә. Менталь авырулары булган кеше өчен үзенең осталыгын аңлау — бу шәхси батырлык мизгеле. Бу күнегү абстракт данны чынбарлыктагы үз әһәмиятлелеге һәм уңыш хисенә әверелдерергә ярдәм итә.
При использовании информации просьба ссылаться на Управление информационной политики и по связям с общественностью.
Чәршәмбе, 25 март 2026, 09:20