Шәһәрнең өч мәйданчыгында традицион авыл хуҗалыгы ярминкәләре узды. Сәүдә рәтләре Габдулла Тукай исемендәге яр буенда («Төзүче» стадионы каршындагы мәйданчык), ипподром янында, «Южный» агросәнәгать паркында урнашты.
Ярминкә мәйданчыкларында Татарстан Республикасы Татпотребсоюзы Идарәсе рәисе Рашат Шәймарданов булды.
12 муниципаль районнан 240 тоннадан артык авыл хуҗалыгы продукциясе китерелгән. Тәкъдим ителгән товарларның гомуми бәясе 23 млн сумнан артып китә.
Шәһәр халкы ассортиментка зур кызыксыну күрсәтте. Иң зур сорау түбәндәгеләргә булды: кош ите, сыер ите һәм сарык ите, ак май һәм көнбагыш мае, сөт продукциясе, йомырка, башка авыл хуҗалыгы товарлары.
Ярминкәләрнең чираттагысы 4 апрельдә шул ук урыннарда яңадан үз ишекләрен ачачак.
При использовании информации просьба ссылаться на Управление информационной политики и по связям с общественностью.
Шимбә, 28 март 2026, 14:30