2025 елда Татарстан Республикасы буенча Кулланучылар хокукларын яклау һәм кеше иминлеге өлкәсендә күзәтчелек идарәсенең Яр Чаллы шәһәре, Актаныш, Тукай, Минзәлә районнарындагы территориаль бүлеге гражданнарның 1394 мөрәҗәгатен карады. Аларның 47%ы кулланучылар хокукларын яклауга кагылды – беренче чиратта, ваклап сату сәүдәсе һәм хезмәт күрсәтү (аеруча финанс хезмәтләре) өлкәсендә. Белгечләрнең катнашуы нәтиҗәсендә сатучылар һәм башкаручылар клиентларга үз теләкләре белән 549 мең сум акча кире кайтарды. Суд тикшерүе таләп ителгән очракларда ведомство гражданнар файдасына рекордлы сумма – 23,8 млн сум түләттерүгә иреште.
Калган 53% шикаять санитар-эпидемиологик иминлеккә кагылды: гражданнарны ешрак яшәү шартлары, шау-шу, шулай ук азык-төлек продуктлары сыйфаты һәм җәмәгать туклануы хезмәтләре борчыды.
Халыкны куркынычсыз продуктлар белән тәэмин итү өстенлекле бурыч булып кала. Ел дәвамында лабораторияләр азык-төлек продукциясенең 6770 сынамасын тикшерде. Микробиологик нормаларга туры килмәгән продуктлар өлеше 3,6% тәшкил итте (бу уртача республика күрсәткеченнән – 4,9%тан түбәнрәк). Бактерияләр иң күп микъдарда ит продукциясендә һәм кулинария әйберләрендә табылды.
Күзәтчелек чаралары нәтиҗәләре буенча белгечләр кулланучылар өстәленә гомуми авырлыгы 945 кг булган сыйфатсыз азык-төлекнең 117 партиясен кертмәде. Ачыкланган санитар бозулар өчен 4 объектның эшчәнлеге вакытлыча туктатылды.
2025 елда ведомство эшкуарлар белән хезмәттәшлек форматын тамырдан үзгәртте, рискка юнәлдерелгән якын килүгә басым ясады. Традицион планлы тикшерүләр саны (алар барышында бозулар 100% очракта ачыклана) сизелерлек кимеде. Алар урынына профилактик визитлар килде.
Ел дәвамында 1091 профилактик визитны кертеп, 4052 профилактик чара үткәрелде.
«Бүген бизнес профилактик визитлардан курыкмый. Эшкуарлар һәм юридик затлар аларның файдасын аңлый һәм үз объектларында мондый чаралар үткәрүне сорап безгә үзләре мөрәҗәгать итә», – дип билгеләп үтте Татарстан Республикасы буенча Кулланучылар хокукларын яклау һәм кеше иминлеге өлкәсендә күзәтчелек идарәсенең Яр Чаллы шәһәре, Актаныш, Тукай, Минзәлә районнарындагы территориаль бүлеге җитәкчесе Лемуза Нафигуллина.
Шулай да, 2025 елда контрольнең барлык төрләре барышында законны тупас бозулар өчен 496 административ беркетмә төзелде. Салынган штрафларның гомуми суммасы 2,1 млн сум тәшкил итте.
При использовании информации просьба ссылаться на Управление информационной политики и по связям с общественностью.
Дүшәмбе, 6 апрель 2026, 08:35