Кама балалар медицина үзәгендә хәрби хезмәткәрнең яңа туган улын тантаналы рәвештә хастаханәдән чыгару узды. Фәрид Салахов яшь әни Алия Паранинаны гаиләнең тулылануы белән котлады. Әтисе Александр хәзерге вакытта махсус хәрби операция зонасында хезмәт итә. 18 апрельдә дөньяга килгән малайга Али дип исем кушканнар.
«Сезнең белән бу шатлыклы көнне уртаклашу – минем өчен зур дәрәҗә. Бала туу – гаилә тормышында иң мөһим вакыйга. Бөтен шәһәр исеменнән мин сезгә ирегез илебезне саклаган вакытта, аңа ышанычлы тыл тәэмин итүегез өчен рәхмәт белдерергә телим. Өйдә аны яратуларын һәм көтүләрен белү – аның төп терәге. Улыгыз сезнең һәм бөтен республикабыз шатлыгына сәламәт һәм көчле булып үссен», – дип котлады яшь әти-әнине һәм туганнарны Фәрид Салахов.
Шулай ук Шәһәр Советы депутаты Андрей Елантьев та котлауларын белдерде, ул бала тууның Россия халыклары бердәмлеге елына туры килүен билгеләп үтте.
При использовании информации просьба ссылаться на Управление информационной политики и по связям с общественностью.
Сишәмбе, 21 апрель 2026, 12:00