28 апрель көнне, 08:10нан 10:50гә кадәр, Яр Чаллы тимер юл вокзалында легендар «Җиңү паровозы»ның юбилейлы бишенче туры тукталыш ясыячак. Әлеге күчмә хәрби-тарихи экспозиция Идел буе һәм Урал алды шәһәрләре буйлап 3 000 км юл үтәчәк. Максаты — Бөек Ватан сугышында совет халкының батырлыгы турында истәлекне саклау.
Поезд составына: 1945 елның май ае стилистикасында бизәлгән эшләүче «Лебедянка» паровозы, сугыш чоры формасындагы локомотив бригадасы, Бөек Ватан сугышы вакытындагы хәрби техниканың һәм коралның уникаль өлгеләре төялгән 11 платформа, шулай ук «Мәңгелек полк» вагоннары керә.
Чара кунаклары сирәк очрый торган экспонатлар янында фотога төшә, бәйрәм концертын карый һәм 1945 елда фронттан кайткан солдатларны очратуның тарихи реконструкциясендә катнаша алачак. Яр Чаллыга кадәр поезд Кинель, Похвистнево һәм Бөгелмә станцияләрендә булган, анда аны меңләгән кешеләр каршы алган. Яр Чаллыдан соң ул Светлое Озеро шәһәренә юл тотачак.
Чарага керү ирекле.
Оештыручы — Куйбышев тимер юлы.
При использовании информации просьба ссылаться на Управление информационной политики и по связям с общественностью.
Якшәмбе, 26 апрель 2026, 12:35