«Хезмәт җитештерүчәнлеге» федераль проекты кысаларында Яр Чаллының алты предприятиесе дәүләт ярдәме алачак

«Хезмәт җитештерүчәнлеге» федераль проекты буенча дәүләт ярдәмен «ТЕХНИКА-АГРО», «ВЕНСКИЕ ВАФЛИ», «ЗАВОД АВТОГИГАНТ», «АНТ», «КАМГЭСЭНЕРГОСТРОЙ» һәм «КАМПРОДИНВЕСТ» предприятиеләре алачак. Федераль проект катнашучылары үз предприятиеләренең процессларына «Җитештерүчәнлекле технологияләр» призмасы аша карарга, югалтуларны ачыкларга һәм Татарстан Республикасының Хезмәт җитештерүчәнлеге өлкәсендәге Төбәк компетенцияләр үзәге экспертлары белән берлектә аларны бетерә алу мөмкинлеген алачаклар. Предприятиеләр өчен бу бушлай.

«Хезмәт җитештерүчәнлеге» федераль проекты «Эффектив һәм конкурентлы икътисад» милли проектының өлеше булып тора һәм бөтен ил буенча гамәлгә ашырыла.

ТР Төбәк компетенцияләр үзәге предприятие хезмәткәрләрен укыту юлы белән җитештерүчәнлекле эшләп чыгару инструментларын кертү буенча компетенцияләрне тапшырачак, процессны диагностикалауны берлектә үткәрәчәк, югалтуларны бетерү һәм процессларның нәтиҗәлелеген арттыру программасын эшләп гамәлгә ашырачак.

Эксперт ярдәменнән тыш, катнашучылар башка ярдәм чараларын да куллана ала: Татарстан Республикасы Сәнәгатьне үстерү фондының һәм Инвестиция-венчур фондының өстенлекле займы (тик эшкәртү тармаклары өчен), «Җитештерүчәнлек лидерлары» һәм «Экспорт үсеше акселераторы» уку программаларын уза ала, шулай ук предприятиены цифрлаштыру буенча комплекслы ярдәм ала ала.

Федераль проектның катнашучылары булып хәзер инде Татарстан икътисадының реаль секторыннан 366 предприятие тора, аларның 82се Яр Чаллыда теркәлгән.

Катнашуга гаризаны производительность.рф ИТ-платформасында тапшырырга була. Мәҗбүри шартлар: компаниянең төп яки өстәмә эшчәнлек төре эшкәртү производствосына, авыл хуҗалыгына, төзелешкә, транспортировкага, туризмга яки торак-коммуналь хуҗалык өлкәсенә карарга тиеш; еллык керем – 400 млн сумнан, туризм өлкәсе өчен – 180 млн сумнан; устав капиталында чит ил катнашының өлеше – 50%тан артык булмаска тиеш.

Катнашу сораулары буенча ТР Төбәк компетенцияләр үзәгенең предприятиеләр белән эшләү бүлеге башлыгы Владислав Петрович Бурдиковка түбәндәге телефоннар аша мөрәҗәгать итәргә мөмкин:

8 (843) 227-42-03

+7 917 390-85-11

Vladislav.Burdikov@tatar.ru.