Бүген Open City кунакханәсенең ресторанында мэр Наил Мәһдиевнең Бөек Ватан сугышы ветераннары һәм махсус хәрби операциядә катнашучылар өчен тантаналы кабул итүе узды.
Наил Мәһдиев Бөек Ватан сугышында катнашучыларны, тыл хезмәтчәннәрен һәм концлагерь тоткыннарын Җиңүгә керткән өлешләре өчен рәхмәтләде: «Яр Чаллы Җиңүгә үз өлешен кертте. 13 меңнән артык безнең улларыбыз һәм кызларыбыз Ватанны сакларга китте. 5 меңнән артыгы сугыш кырларыннан әйләнеп кайтмады – аларның исемнәре “Ватан-ана” мемориалына уеп язылган. Бу безнең тарихыбыз, һәм без аны хөрмәт итәчәкбез һәм буыннан-буынга тапшырачакбыз».
Шәһәр мэре илдә геройларның яңа буыны – махсус хәрби операциядә катнашучылар үсеп чыкканын билгеләп үтте: «Илебезнең геройлык, данлыклы һәм патриотик тарихы хәзерге буын сугышчыларының һәм солдатларының гамәлләрендә һәм эшләрендә дәвам итә. Алар – үз бабаларының һәм карт бабаларының хәрби эшләрен дәвам итүчеләр, алар үзләренең батырлыклары белән 1945 елның 9 маен илебез тарихына алтын хәрефләр белән язып куйдылар».
Шулай ук кабул итүдә «КАМАЗ» ААҖның куркынычсызлык буенча генераль директор урынбасары Сирень Галиәкбәров катнашты.
Чара барышында мэр ветераннар һәм махсус хәрби операция геройлары белән әңгәмә корып, шәһәр хакимиятенең аларга һәртөрле ярдәм һәм булышлык күрсәтүен дәвам итәчәгенә ышандырды.
При использовании информации просьба ссылаться на Управление информационной политики и по связям с общественностью.
Пәнҗешәмбе, 7 май 2026, 17:40