Татарстан халкы хәзер салым хезмәтеннән мәгълүматны милли MAX мессенджеры аша тиз арада ала ала. Татарстан Республикасы буенча Федераль салым хезмәте идарәсе бу платформада үзенең рәсми каналын эшләтү турында хәбәр итә.
Яңа канал гражданнарны һәм оешмаларны Идарә эшчәнлеге турында тиз хәбәрдар итү өчен булдырылган. Ул салым хезмәтенең «ВКонтакте» һәм «Одноклассники» социаль челтәрләрендә эшләп килүче аккаунтлары белән беррәттән рәсми мәгълүмат чыганагы булып тора. Каналда салым законнарының актуаль яңалыклары, шулай ук белгечләрнең аңлатмалары һәм башка файдалы материаллар бастырыла.
Цифрлы каналны эшләтү буенча чара «Дәүләт идарәсенең мәгълүматлары һәм цифрлы трансформациясе» милли проекты кысаларында үткәрелә, ул алдынгы цифрлы чишелешләр кертү һәм дәүләт хезмәтләренең онлайн-форматта мөмкинлекләрен арттыру аша дәүләт идарәсе системасын модернизацияләүгә юнәлдерелгән.
Каналга язылу салым хезмәтенең бушлай вебинарлары, семинарлар һәм ачык ишекләр көннәре кебек чаралары турында беренчеләрдән булып белергә мөмкинлек бирә. Шулай ук каналда күчмә салым офисларының чыгулары турында мәгълүмат бар, бу салым бурычларын үтәү өчен мөһим даталарны кулдан ычкындырмаска һәм салым салудагы барлык яңалыклардан хәбәрдар булырга ярдәм итә.
Язылу сылтамасы монда.
При использовании информации просьба ссылаться на Управление информационной политики и по связям с общественностью.
Җомга, 8 май 2026, 14:27