Автозавод районында икенче тапкыр «Җиңү» истәлек хәйрия йөгерүе оештырылды. Махсус хәрби операция зонасындагы хәрби хезмәткәрләрне хуплау һәм иң кирәк әйберләргә акча җыю өчен 50дән артык катнашучы стартка чыкты.
Спортчыларны һәм тамашачыларны котлау сүзе белән Автозавод районы хакимияте башлыгы Айрат Хөснуллин, «Шәһәр махсус хәрби операция ветераннары советы» ассоциациясе рәисе урынбасары Тимур Нусратов һәм «Җиңү» хәрби-патриотик клуб җитәкчесе Марат Галимов чыгыш ясады. Һәр катнашучыга дипломнар һәм медальләр тапшырылды – призерлар кубоклар алды.
Аерым мизгел булып махсус хәрби операциядә катнашучының әнисе Гөлсинә Тәлгать кызы Гайфутдинованы бүләкләү булды: район башлыгы аңа 25 нче гомумгаскәр армиясе командующие генерал-лейтенант Мойсеевның рәхмәт хатын тапшырды.
Йөгерүнең төп максаты – фронттагы сугышчыларга адреслы ярдәм күрсәтү. Чаллылыларның битараф булмавы ярдәмендә «Җиңү» марафоны кысаларында 40 мең сумнан артык акча җыярга мөмкин булды.
При использовании информации просьба ссылаться на Управление информационной политики и по связям с общественностью.
Шимбә, 16 май 2026, 18:30