Наил Мәһдиев Татарстан Республикасы Матбугат көне белән котлый

Хөрмәтле журналистлар, мөхәррирләр, ветераннар һәм мәгълүмат чаралары хезмәткәрләре!
Сезне Татарстан Республикасы Матбугат көне – һөнәри бәйрәмегез белән котлыйм!

Заманча шартларда нәкъ менә сез җәмгыятькә яңалыкларны җиткерергә ярдәм итәсез, вакыйгаларга төрле карашлар тәкъдим итәсез, фактларны уйдырмалардан аерырга һәм төгәл позиция формалаштырырга булышасыз.

Журналистика ветераннарына аерым рәхмәт сүзләрен җиткерәм, аларның күпьеллык тәҗрибәсе һәм һөнәргә тугрылыгы Яр Чаллы шәһәренең медиа киңлегенә ныклы нигез салды. ТР Журналистлар берлегенең Яр Чаллы бүлекчәсенең яңадан эшли башлавы, иҗади көчләрне кабат берләштерүе символик мәгънәгә ия.  Яр Чаллы журналистикасы төбәк һәм федераль дәрәҗәләрдә ышанычлы рәвештә тәкъдим ителә, күп кенә шәһәр басмалары рейтингларда тотрыклы рәвештә алдынгы урыннарны били. 

Һөнәри уңышның ачык мисалы булып «Шәһри Чаллы» газетасы редакциясенең ТР Рәисе Рөстәм Миңнеханов инициативасы белән оештырылган «Күрше Фест» республика конкурсы җиңүчеләре исемлегенә кергән «Шәһри Чаллыдан Пятачок» проекты тора.

Яр Чаллы шәһәренең эре оешмалары һәм предприятиеләренең ведомство басмалары һәм матбугат хезмәтләренең роле дә әһәмияткә ия, алар шәһәрдәге  казанышларны, социаль башлангычларны, мәдәни тормышны яктырталар, хезмәт кешеләре турында сөйлиләр.

Хөрмәтле хезмәттәшләр! Шәһәребезнең медиа-җәмгыяте тотрыклы рәвештә үсә һәм сезнең хезмәтегез ачыктан-ачык сөйләшү, тарихыбызны саклау һәм яңа идеяләрне алга этәрү өчен нигез булып кала. Патриотизмны үстерүгә керткән өлешегез аеруча игътибарга лаек. Чынбарлыкны чагылдырган репортажлар, документаль проектлар, ветераннар, Ватанны саклаучылар һәм махсус операция геройлары белән интервьюлар аша сез буыннар элемтәсен ныгытасыз, яшьләрдә  Ватанга мәхәббәт һәм Ватан казанышлары өчен горурлык тәрбиялисез.

Сезгә  илһам, һөнәри үсеш, иминлек һәм ныклы сәламәтлек телим! Һәр сүзегез укучыларга барып ирешсен, ә хезмәтегез лаеклы бәяләнсен!