«Орион» яшьләр үзәгендә «Курс на безопасность» профилактик проектының йомгак фестивале тәмамланды, ул «Яшьләр һәм балалар» милли проекты кысаларында гамәлгә ашырылды. Чарада Яр Чаллының 15 уку йортыннан 905 мәктәп укучысы катнашты.
Шәһәр проекты ел дәвамында «Орион» яшьләр үзәге, «Төнге бүреләр» мотоклубының Яр Чаллы бүлекчәсе, «Алдынгылар хәрәкәте»нең урындагы бүлекчәсе һәм 14 нче балалар-үсмерләр үзәге тарафыннан Башкарма комитетның мәгариф һәм яшьләр белән эшләү идарәләре, шулай ук Юл хәрәкәте куркынычсызлыгы дәүләт инспекциясе ярдәмендә гамәлгә ашырылды. Уку елы дәвамында катнашучылар юлда игътибарлы булырга, ике тәгәрмәчле транспортта ышанычлы идарә итәргә һәм гадәттән тыш хәлләрдә эш итәргә өйрәнделәр.
Ел финалы булып «БезОпасное лето» фестивале булды. Программада – беренче ярдәм күрсәтү буенча мастер-класс, «Юл хәрәкәте кагыйдәләре эрудитлары» интеллектуаль уены һәм тематик квест. Станцияләрдә балаларны байкер клубы вәкилләре һәм волонтерлар көтә иде: мәктәп укучылары юл хәрәкәте кагыйдәләре турында кроссвордлар чиштеләр, эстафеталар башкардылар, юл билгеләре сыздылар һәм самокатларда киртәләр полосасын үттеләр.
«Яшьләр һәм балалар» милли проекты кысаларында гамәлгә ашырылган проект 905 баланы берләштерде – бу куркынычсыз киләчәккә зур адым. Оештыручылар ышануынча, дәресләр һәм фестиваль барышында алынган белемнәр мәктәп укучыларына быел җәй юлларда үзләрен ышанычлы тоярга ярдәм итәчәк.
При использовании информации просьба ссылаться на Управление информационной политики и по связям с общественностью.
Дүшәмбе, 25 май 2026, 11:50