«Урал Логистика» Кубогы – шоссе велоспорты буенча һәвәскәр велотурниры 30 майда узачак. Катнашучыларны теркәү 29 майда тәмамланачак. Велоспорт белән шөгыльләнүче 18 яшьтән 75 яшькә кадәрге һәвәскәрләр катнашырга чакырыла. Катнашу бушлай.
Ир-атлар өчен ара 63 километр (9 әйләнеш), хатын-кызлар өчен — 42 километр (6 әйләнеш). Узыш ир-атлар өчен өч яшь категориясендә: 18–31 яшь, 32–41 яшь, 42 яшь һәм өлкәннәр, һәм хатын-кызлар өчен өч аналогияле категориядә үткәрелә. Финишка килеп җиткәннәрнең барысы да истәлекле медальләр алачак, ә җиңүчеләр һәм призерлар – оештыручылардан дипломнар һәм кыйммәтле призлар алачак.
Узыш көнендә, 30 майда, Азатлык мәйданында җирле артистлар концерты, балалар өчен анимация һәм бөтен гаилә өчен интерактивлар белән зур спорт бәйрәме узачак..jpg)
Татарстан Республикасы Чемпионаты һәм Беренчелеге, шулай ук «Урал Логистика» Кубогы – шоссе велоспорты буенча узышлар уздыру белән бәйле рәвештә, транспорт хәрәкәтен вакытлыча чикләү кертелә.
2026 елның 30 маенда сәгать 09:00дан 18:00гә кадәр Хәсән Туфан проспекты ике юнәлештә дә Сөембикә проспекты белән киселештән КАМАЗ проспектына кадәрге участокта («1000 нче гараж» җәмәгать транспорты тукталышы районында) ябылачак.
2026 елның 31 маенда сәгать 09:30дан 15:30га кадәр Металлургическая урамы буйлап ике юнәлештә дә хәрәкәт КАМАЗ проспекты белән киселештән Моторная урамының Промышленная урамы белән киселешенә кадәр чикләнәчәк. Автомобиль йөртүчеләрдән маршрутларын алдан планлаштыру сорала.
При использовании информации просьба ссылаться на Управление информационной политики и по связям с общественностью.
Пәнҗешәмбе, 28 май 2026, 10:03