Тантана сараенда Балаларны яклау көненә багышланган Россия Федерациясе гражданины паспортларын тапшыру церемониясе узды. Үзләренең беренче төп документын махсус, бәйрәм атмосферасында 23 укучы алды.
Бу әһәмиятле вакыйганың шатлыгын балалар белән уртаклашырга мактаулы кунаклар килделәр. Яңа буын Россия гражданнарына юл күрсәтү сүзләре белән Шәһәр Советы депутаты, сугыш хәрәкәтләре ветераны, «Махсус хәрби операциядә катнашучылар ветераннары советы» ассоциациясе рәисе Шамил Аюпов, шулай ук «Бердәм Россия» партиясенең урындагы бүлекчәсе башкарма комитеты җитәкчесе Римма Фәсхетдинова мөрәҗәгать иттеләр.
Мактаулы кунаклар үсмерләрне тормышларындагы мөһим баскыч белән котладылар, аларга илебезнең лаеклы патриотлары булырга, яхшы укырга һәм үз максатларына батырча барырга теләделәр.
Тантана күңелле атмосферада узды. Бу көнне бәйрәм ияләрен иң якын кешеләре – ата-аналары, бабайлары һәм әбиләре котларга килделәр. Әниләр күзендәге шатлык яшьләре, мәктәп укучыларының ихлас елмаюлары һәм өлкән буынның үз балалары белән чиксез горурлыгы – нәкъ менә бу эмоцияләр чарада төп роль уйнадылар.
Күпләр өчен бу көн озакка истә калачак, чөнки гаилә чолганышында паспорт алу чын бәйрәмгә әйләнде.
При использовании информации просьба ссылаться на Управление информационной политики и по связям с общественностью.
Җомга, 29 май 2026, 10:20