Бүген Автозавод районында яшәүче Хаҗәр Мөҗип кызы Заһитова 99 яшьлек юбилеен билгеләп үтә. Россия Федерациясе Президенты Владимир Путин һәм шәһәр мэры Наил Мәһдиев исеменнән юбилярга иң җылы котлаулар, котлау открыткасы һәм азык-төлек җыелмасы тапшырылды.
Хаҗәр Мөҗип кызы – безнең заманның чын каһарманы. Ул Бөек Ватан сугышы ветераны һәм тыл хезмәтчәне, аның тормышы – җиңелмәс ихтыяр һәм Ватанга тугрылык үрнәге. Ул Мамадыш районының Ак Чишмә авылында туган, мәктәп укучысыннан башлангыч сыйныфлар укытучысына кадәр юл үткән, сугыштан соңгы елларда яшь буын тәрбияләгән.
1953 елда Хаҗәр Мөҗип кызы гаилә кора, биш балага гомер биреп, аларны тәрбияләп үстерә. Бүген аның нәсел шәҗәрәсе киң таралган: 8 онык һәм 17 оныкчык горурлык белән аны үзләренең әбисе һәм картәбисе дип атыйлар.
Яр Чаллыга Хаҗәр Мөҗип кызы 2016 елда күчеп килә. Аның казанышлары күпсанлы бүләкләр белән билгеләнгән, алар арасында «1941-1945 еллар Бөек Ватан сугышында фидакарь хезмәте өчен» медале, «II дәрәҗә Ана даны» медале һәм күпсанлы юбилей медальләре бар. Ул хаклы рәвештә «Хезмәт ветераны» исемен йөртә.
При использовании информации просьба ссылаться на Управление информационной политики и по связям с общественностью.
Дүшәмбе, 8 июнь 2026, 14:35