«Һәлак булганнар истәлегенә лаек булыгыз»: чаллылылар Җиңү паркындагы мемориал янында шәмнәр кабыздылар

Бүген Автозавод районы зур бөтенроссия хәтер акциясенә кушылды. Җиңү паркының мемориаль мәйданында, «Лавр веногы» һәйкәле янында, Хәтер һәм кайгы көне кысаларында «Һәлак булганнар истәлегенә лаек булыгыз» чарасы узды.

Автозавод районы хакимияте башлыгы Айрат Хөснуллин, Татарстан Республикасы Дәүләт Советы депутатлары Владимир Чагин, Андрей Ляпунов, Шәһәр Советы депутаты Вадим Матүшин, ветераннар, махсус хәрби операциядә катнашучылар, территориаль иҗтимагый үзидарәләр рәисләре, район халкы, иҗтимагый оешмалар вәкилләре, районның гомуми белем бирү учреждениеләре укучылары һәлак булган сугышчыларны искә алдылар, Бөтенроссия тынлык минутына кушылдылар, шулай ук «Лавр веногы» һәйкәленә һәм Геройлар аллеясы бюстларына чәчәкләр куйдылар.

Иҗтимагый оешмалар активистлары белән бергә Георгий тасмасын сузу, геройлар турында сүнмәс хәтерне символлаштыручы шәмнәр кабызу узды.

Хәтер вахтасында 49 нчы мәктәп кадетлары тордылар.