24 июнь көнне 15:00 сәгатьтә ачык һавадагы җәйге уку залында «Мәйдан» журналының июнь санын тәкъдим итүгә багышланган иҗади очрашу үткәреләчәк.
Чарада язучылар, шагыйрьләр, «Ләйсән» әдәби иҗат берләшмәсе әгъзалары, газета-журнал хезмәткәрләре катнашачак. Чара барышында шагыйрьләр үз шигырьләрен укыячак, шулай ук очрашуда катнашучылар журналның бу санында әдәби әсәрләре басылып чыккан авторларның мәкаләләренә һәм хикәяләренә анализ ясаячак.
Кунакларны уникаль мөмкинлек көтә: авторлар белән шәхсән танышу, авторлар башкаруында әсәрләрне тыңлау, журналның әлеге санында тәкъдим ителгән төрле жанрдагы әдәбият дөньясына чуму.
При использовании информации просьба ссылаться на Управление информационной политики и по связям с общественностью.
Сишәмбе, 23 июнь 2026, 10:19