Бөек Ватан сугышы ветераны һәм тыл хезмәтчәне Роза Николаевна Катаеваның туган көнендә Автозавод районы хакимияте башлыгы Айрат Хөснуллин аңа Россия Президенты Владимир Путин һәм шәһәр мэры Наил Мәһдиев исеменнән котлаулар тапшырды.
Роза Николаевна Мамадыш районы Лубяны бистәсендә күп балалы гаиләдә туган. Нибары алты сыйныф кына тәмамларга өлгергән – сугыш башланган, һәм басуда эшләргә туры килгән: чүп үләннәрен утау, башаклар җыю, фронтка ярдәм итү өчен барысын да эшләү.
Сугыштан соң ул авыл клубын җитәкләгән, аннары Казанда төзелештә эшләгән, анда кияүгә чыккан, балалары туган. Соңрак гаилә Уралга, Свердловск өлкәсенең Серов шәһәренә күчеп килгән. Анда Роза Николаевна 40 елдан артык хастаханәдә санитарка булып эшләгән, шул эш җиреннән лаеклы ялга чыккан.
2003 елда ул Татарстанга күченгән һәм Яр Чаллыда урнашкан. Хәзер ветеранның оныгы һәм ике оныкчыгы бар. Роза Николаевна «1941–1945 еллар Бөек Ватан сугышында фидакарь хезмәте өчен» медале һәм юбилей медальләре белән бүләкләнгән.
При использовании информации просьба ссылаться на Управление информационной политики и по связям с общественностью.
Чәршәмбе, 24 июнь 2026, 12:00