Бүген Казанда республиканың «Врач года – Ак чәчәкләр» премиясе җиңүчеләрен бүләкләүнең тантаналы церемониясе узды. Җыелучыларга котлау сүзе белән республика сәламәтлек саклау министры Әлмир Абашев мөрәҗәгать итте, ул төбәктә медицина тармагының югары үсеш дәрәҗәсен билгеләп үтте.
Әйтеп үтәргә кирәк, республиканың медицина тормышындагы елның төп вакыйгасын ачу хөрмәте «Ак халатлы кешем» авторлык җыры белән офтальмология бүлегенең өлкән шәфкать туташы Илзирә Ибраһимовага һәм 5 нче шәһәр хастаханәсе табибларына бирелде.
«Синергия – көч командасы» номинациясендә Р.С. Акчурин исемендәге Ашыгыч медицина ярдәме күрсәтү хастаханәсе җиңүче булды.
«Яшь гвардия» номинациясендә берьюлы ике белгеч җиңде: Р.С. Акчурин исемендәге Ашыгыч медицина ярдәме күрсәтү хастаханәсенең анестезиолог-реаниматологы Юрий Марков һәм профессор М.З. Сигал исемендәге Татарстан Республикасы Сәламәтлек саклау министрлыгының Республика клиник онкология диспансерының Яр Чаллы филиалының 9 нчы көндезге стационар бүлеге мөдире, табиб-онколог Виталий Любов.
Әйтеп үтәргә кирәк, бу номинация премиядә беренче тапкыр тәкъдим ителә һәм оештыручылар барлык номинантларны да җиңүчеләр дип тану турында карар кабул иттеләр.
«Мәрхәмәтлек һәм кайгырту» номинациясендә 6 нчы шәһәр поликлиникасының ашыгыч медицина ярдәме күрсәтү бүлеге фельдшеры Марина Кузнецова бүләк алды.
При использовании информации просьба ссылаться на Управление информационной политики и по связям с общественностью.
Чәршәмбе, 24 июнь 2026, 15:00