Дәүләт Думасы махсус хәрби операциядә катнашучыларны һәм аларның гаиләләрен хуплауга юнәлдерелгән берничә закон кабул итте.
Кабул ителгән законнарның берсе буенча, хезмәт бурычын үтәгәндә яралану яки контузия нәтиҗәсендә I яки II төркем инвалиды булып калган хәрби хезмәткәрләр, Эчке эшләр органнары, Росгвардия һәм җәза үтәү системасы хезмәткәрләре кыскартылган эш атнасы – 35 сәгатьтән артмаган эш вакыты хокукы алачак. Атап әйткәндә, мондый эш вакыты инвалидлык алганга карамастан, хезмәтен дәвам иткән элекке махсус хәрби операциядә катнашучылар өчен билгеләнәчәк.
Икенче кабул ителгән закон белән РФ Тикшерү комитеты хезмәткәрләренең хезмәтен туктаткан гаилә әгъзаларына яки махсус хәрби операциядә катнашу белән бәйле рәвештә һәлак булган пенсионерлар гаиләләренә торак сатып алу яки төзү өчен берьюлы социаль түләү бирү сроклары кыскартылган.
Россия Федерациясе Дәүләт Думасы депутаты, «Бердәм Россия» партиясенең «Эшмәкәрлек» федераль проекты координаторы Әлфия Когогина болай дип аңлатма бирде: «Махсус хәрби операциядә катнашучыларны һәм аларның гаиләләрен хуплау – безнең эшнең төп өстенлеге, һәм шуңа бәйле рәвештә бүгенге көндә 180гә якын закон карары кабул ителде».
При использовании информации просьба ссылаться на Управление информационной политики и по связям с общественностью.
Пәнҗешәмбе, 25 июнь 2026, 11:56