Яшьләр көне шушы атнада, җомга көнне, 3 июльдә узачак. Традиция буенча вакыйга Чулман проспектыннан Хәсән Туфан проспекты буйлап Прибрежный паркы майданына кадәр урын алачак. Бу хакта аппарат киңәшмәсендә яшьләр белән эшләү идарәсе башлыгы Ләйсән Видинеева сөйләде.
«Яшьләр көне» – яшьләр хәрәкәте һәм иҗат эшчәнлегенең беренчел йомгагы. Бәйрәмнең төп темасы – «Юбилей елында яшьләр», ул Яр Чаллының нигезләнгәнүенең 400 еллыгына һәм КАМАЗның беренче йөк автомобиле чыгарылуның 50 еллыгына багышланган», – дип ассызыклады Ләйсән Видинеева.
Сәгать 16:00дан башлап 20дән артык интерактив «Яшьләр кварталы» мәйданчыклары эшли башлаячак. Кунакларны «Все свои» квартирнигы» музыкаль проектының күңел ачу мәйданчыгы; «Яшьләр маркеты» – Татарстанның яшь дизайнерларын алга этәрү мәйданчыгы; «ЯR-Арт» заманча сәнгать лабораториясе мәйданчыгы көтә.
Мәйданчыклар дәвамында «Ут-ат» артефакты – 2026 елда Россия Федерациясендә Яшьләр көне һәм яшьләр манифестының бердәм символы тәкъдим ителәчәк.
Яр Чаллыда Яшьләр көненең мөһим өлеше традиция буенча белем-карьера блогы булачак. «Яр Чаллыда эшлә» зур акциясе кысаларында шәһәрнең әйдәп баручы предприятиеләре һәм оешмалары интерактив профориентация мәйданчыкларын тәкъдим итәчәк. Бәйрәм кунаклары VR-экскурсияләр ярдәмендә производство процесслары белән таныша алачак, шулай ук эшче һөнәрләре элементларын практикада үзләштерергә мөмкин булачак: көнкүреш техникасын җыю буенча мастер-классларда катнашу, симуляторларда үзләрен кирепче яки маляр ролендә сынап карау.
Быелгы программада Яр Чаллының тарихи мирасына аерым игътибар бирелә – шәһәрнең үсеше Бөтенсоюз удар комсомол төзелеше һәм КАМАЗ төзү белән бәйле. Бу тарихи өлеш хөрмәтенә 2-4 июльдә шәһәрдә Бөтенроссия студент отрядлары слеты узачак.
Масштаблы вакыйга Россиядәге унлаган төбәктән меңгә якын катнашучыны җыячак. Слет буыннар диалогы өчен уникаль мәйданчыкка әвереләчәк: анда элеккеге СССРның төрле почмакларыннан легендар төзелеш отрядлары ветераннары делегацияләре дә, хәзерге «Россия студент отрядлары» хәрәкәте активистлары да катнашачак. Яшьләр өчен слет тарих һәм профориентациянең күрсәтмә дәресе булачак, ә хәрәкәт ветераннары өчен – алар салган иҗади хезмәт традицияләренең яшәү һәм үсеш дәвам итүенең раславы булачак.
Хәзерге студентларга эш эзләүдә ярдәм итү өчен турыдан-туры Яшьләр көнендә «Отрядлар стилендә» тематик квесты оештырылачак. Илнең иң массакүләм яшьләр оешмасы вәкилләре әзерләгән интерактив мәйданчык яшьләргә эшнең мөмкин булган юнәлешләре белән танышырга һәм каникуллар яки укудан буш вакытта рәсми эшкә урнашу вариантларын сайларга ярдәм итәчәк.
При использовании информации просьба ссылаться на Управление информационной политики и по связям с общественностью.
Дүшәмбе, 29 июнь 2026, 08:30