Мәйдандагы бәйрәм сәгать 18:00дә ачык техник шоу белән дәвам итте. Экстрим һәм тизлек сөючеләрне мотофристайл программасы белән гаҗәпләндерделәр. Спортчылар трюклар күрсәтеп, чаллылыларның һәм шәһәр кунакларының шау алкышларына күмелделәр. Аннан соң парад сафы белән мото- һәм автоклублар үттеләр, заманча техника тәкъдим ителде.
Быелгы бәйрәм программасының төп темасы булып Яр Чаллының нигезләнүенең 400 еллыгы торды. Шәһәр юбилее студентларны, мәктәп укучыларын һәм иҗтимагый оешмалар катнашучыларын берләштерде. Барлык сәхнә куелышы берничә тематик блоктан төзелгән иде, аларның һәрберсе Яр Чаллының тарихын һәм казанышларын чагылдырды. Кичнең кульминациясе булып «Алдынгылар хәрәкәте» һәм шәһәрнең актив халкы инициативасы белән оештырылган масштаблы флешмоб булды.
Яшьләргә котлау сүзе белән шәһәр мэры Наил Мәһдиев, Россия Федерациясе Федераль Җыелышы Дәүләт Думасы депутатлары Әлфия Когогина һәм Михаил Киселёв, Росмолодёжь Федераль агентлыгы җитәкчесе урынбасары Денис Аширов һәм Татарстан Республикасы яшьләр эшләре министры Азат Кадыйров мөрәҗәгать иттеләр. Аларның һәрбере чаллылыларны котлады һәм аларның шәһәр һәм ил үсешенә керткән өлешләренең әһәмиятен ассызыклады.
Тантаналы шартларда Наил Мәһдиев һәм чакырылган кунаклар лаеклы бүләкләр тапшырдылар.
Бәйрәмнең музыкаль акценты булып шәһәрнең яшь сәләтле артистлары – иҗат конкурслары һәм фестивальләре җиңүчеләренең чыгышлары булды. Заманча музыка һәм гомуми бердәмлек атмосферасы бу кичне барлык катнашучылар өчен онытылмас итте.
При использовании информации просьба ссылаться на Управление информационной политики и по связям с общественностью.
Җомга, 3 июль 2026, 17:40