Татарстан башкаласында инвалидлар һәм сәламәтлек мөмкинлекләре чикләнгән кешеләр арасында җиңел атлетика буенча республика ярышлары узды. Яр Чаллы шәһәре намусын 20 спортчыдан торган җыелма команда яклады. Безнең атлетлар югары әзерлек дәрәҗәсен күрсәттеләр һәм уңышлы нәтиҗәләргә ирештеләр.
Татарстан Республикасы Беренчелегендә Яр Чаллы җыелма командасы 11 медаль яулады: биш алтын, өч көмеш һәм өч бронза. Кирилл Ганиев пьедесталның иң югары баскычына өч тапкыр күтәрелде. Элина Мостакимова командага бер алтын бүләк өстәде. Ильяс Нәзипов ике тапкыр бронза призеры булды. Ульяна Агапова алтын, көмеш һәм бронза медальләр яулады. Дениз Гюл ике көмеш бүләк алды.
Спортчыларыбыз Татарстан Чемпионатында 18 медаль яулады: 8 алтын, 7 көмеш һәм 3 бронза. Регина Михедюкова ике тапкыр пьедесталның иң югары баскычына күтәрелде. Алмаз Махмутов һәм Дмитрий Боздунов та икешәр алтын медальләр белән аерылып тордылар һәм аларга берәр көмеш өстәделәр. Юра Вишневский һәм Елена Исламова команда нәтиҗәсен ике алтын һәм ике көмеш медаль белән тулыландырдылар. Ангелина Исламова өч көмеш бүләк иясе булды. Любовь Тимашева бронза яулады, ә Андрей Кибардин ике тапкыр өченче баскычка күтәрелде.
При использовании информации просьба ссылаться на Управление информационной политики и по связям с общественностью.
Дүшәмбе, 6 июль 2026, 10:36