Яр Чаллыда халыкның массакүләм ял итү урыннарының барысы да «Имин шәһәр» видеокүзәтү системасы белән коралландырылган

Россия Эчке эшләр министрлыгының Яр Чаллы шәһәре буенча идарәсе башлыгы вазыйфаларын башкаручы, полиция полковнигы Игорь Овсов «эшлекле дүшәмбе»дә җәйге чорда Яр Чаллыда гражданнарның массакүләм ял итү урыннарында иҗтимагый тәртипне тәэмин итү буенча «Курорт» чаралар планы кертелүен билгеләп үтте. Ул 5 октябрьгә кадәр дәвам итәчәк.

Көн саен сәгать 16:00дан 22:00гә кадәр Ф.Табиев һәм Г.Тукай яр буйларында иҗтимагый тәртипне тәэмин итү өчен Эчке эшләр идарәсе хезмәткәрләре һәм муниципаль хезмәткәрләр рейд чаралары оештырылган. Шулай ук өстәмә постлар һәм полиция экипажлары 3 сәгатьтә ким дигәндә 1 тапкыр керү белән патрульләү маршрутлары каралган.

Халыкның массакүләм ял итү урыннарының барысы да «Имин шәһәр» видеокүзәтү системасы белән коралландырылган, аннан видео язмалар Идарәнең полиция бүлекләре дежур бүлекләренә һәм Эчке эшләр идарәсе дежур бүлегенә чыгарыла, анда да оператив хәлне күзәтү алып барыла.

Атна саен җомга көннәрендә сәгать 22:00дан киләсе көннең 1:00гә кадәр балигъ булмаганнар тарафыннан хокук бозуларны булдырмау буенча профилактик чаралар үткәрү өчен балигъ булмаганнар эшләре буенча хезмәткәрләрне җәлеп итеп, рейд чаралары үткәрелә.

Наил Мәһдиев өч мең үсмерне җәйге эшкә урнаштыру планының арттырып үтәләчәген билгеләп үтте: инде 1 800гә якын укучы эшли, ә августта тагын 1 300дән артык кеше эшкә чыгачак. Мэр балаларны эш белән тәэмин итү һәм ял итүгә ел саен 30 млн сумнан артык акча юнәлтелүен, финанслау үсүен дәвам итүен билгеләде. Моннан тыш, мэр җәйге чорда хокук бозуларны профилактикалау чараларын яңадан бәяләү һәм бу эштә өстәмә резервлар табу өчен балигъ булмаганнар эшләре буенча комиссия утырышын үткәрергә кушты:

«Аерым мәсьәлә – иҗтимагый тәртипне тәэмин итү. Һава торышы уңайлы, иҗтимагый мәйданнарда гражданнар, балалар һәм үсмерләр катнашындагы күп санлы массакүләм чаралар уза. Район башлыклары, бу сезгә дә кагыла. Июль аеның икенче яртысында һәм августта традиция буенча «Ишегалды бәйрәмнәре» уза, Мәдәният идарәсе күпсанлы чаралар оештыра: Игорь Лерман камераль оркестры, театр коллективлары, бию ансамбльләре чыгыш ясый, кино һәм мультфильмнарның ачык һавада күрсәтүе уза. Барысы да, һичшиксез, аерым контрольдә булырга тиеш. Иҗтимагый тәртипне саклау идарәсе һәм участоклы вәкаләтлеләр паркларда һәм скверларда гражданнарның үз-үзләрен тотуын күзәтүне көчәйтергә тиеш».