Бөек Ватан сугышы ветераны һәм тыл хезмәтчәне Галина Дмитриевна Биктаһировага 96 яшьлек туган көне белән котлаулар тапшырылды. Аны юбилее белән Үзәк районы хакимияте башлыгы урынбасары Эльмира Гыйльметдинова һәм «17 комплекс» Территориаль иҗтимагый үзидарә рәисе Владимир Ртищев котладылар, алар Россия Президенты Владимир Путиннан һәм шәһәр мэры Наил Мәһдиевтән котлау сүзләрен җиткерделәр.
.jpg)
Галина Дмитриевна Псков өлкәсенең Гривцево бистәсендә туган. Бөек Ватан сугышы елларында туган авылы колхозында эшләгән. Сугыштан соң Галина Дмитриевна Чабаксар шәһәрендә техникум тәмамлаган һәм мамык-кәгазь фабрикасына эшкә урнашкан, анда 20 елдан артык эшләгән.
1951 елда ул Яр Чаллы шәһәренә даими яшәү урынына күчеп килгән һәм лаеклы ялга чыкканчы Шәһәр газ хуҗалыгы хезмәтендә эшләгән.
Галина Дмитриевна өч бала тәрбияләгән, өч оныгы, өч оныкчыгы һәм бер оныкчыкчыгы бар. Ветеран «1941-1945 еллар Бөек Ватан сугышында фидакарь хезмәте өчен» медале, юбилей даталарына медальләр белән бүләкләнгән.
При использовании информации просьба ссылаться на Управление информационной политики и по связям с общественностью.
Сишәмбе, 21 июль 2026, 09:23