Шәһәр Советының даими комиссияләренең уртак утырышында депутатлар Шәһәр Уставын федераль законнарга туры китерү турындагы карар проектын карадылар.
Муниципаль берәмлек башлыгы урынбасары Ирина Сагыйдуллина Шәһәр Уставына үзгәрешләр кертү проектын тәкъдим итте. Документ 2025 елның 20 мартындагы 33-ФЗ номерлы «Бердәм ачык хакимият системасында җирле үзидарәне оештыруның гомуми принциплары турында» Федераль законны кабул итү белән бәйле рәвештә эшләнелгән.
«Үзгәрешләр җирле үзидарә төшенчәсен, гражданнар хокукларын, шулай ук бердәм ачык хакимият системасында хакимият органнарының вәкаләтләрен төгәлләштерүгә кагыла, – дип билгеләде Ирина Сагыйдуллина. – Устав проекты ачык тыңлауларга чыгарылачак, аларны 2026 елның 11 сентябрендә сәгать 14:00дә Башкарма комитет бинасының 400 нче залында билгеләргә тәкъдим ителә».
Фикер алышу нәтиҗәләре буенча карар проектлары Шәһәр Советының чираттагы утырышына чыгарырга тәкъдим ителде.
Шәһәр Советының чираттагы утырышы 29 июльдә сәгать 09:00да узачак. Трансляция Яр Чаллы шәһәренең рәсми сайтында барачак.
При использовании информации просьба ссылаться на Управление информационной политики и по связям с общественностью.
Сишәмбе, 21 июль 2026, 11:30