Чараларның төп бурычы – гражданнарның куркынычсызлыгын тәэмин итү. Территорияне әйләнеп чыгу вакытында хакимият хезмәткәрләре шәһәр халкы һәм кунаклары белән профилактик әңгәмәләр алып баралар. Рейдлар барышында түбәндәге кагыйдәләргә аерым игътибар бирелә: җиһазландырылмаган һәм рөхсәтсез урыннарда коенуны катгый тыю, спиртлы эчемлекләр эчкән хәлдә су янында булу һәм йөзү тыелу.
Рейд төркемнәре үз эшләрендә аерым игътибарны балалар белән аралашуга юнәлдерәләр. Хезмәткәрләр балигъ булмаган шәһәр халкына өлкәннәр күзәтүеннән башка сулыклар янында уйнау куркынычлыгы турында искә төшерәләр.
Шәһәр хакимияте ата-аналардан су янында ял иткәндә балаларына бигрәк тә игътибарлы булуларын сорый. Балаларыгызның кайда булуын күзәтегез һәм аларга бары тик рәсми рөхсәт ителгән һәм махсус җиһазландырылган урыннарда гына коенырга рөхсәт итегез.
При использовании информации просьба ссылаться на Управление информационной политики и по связям с общественностью.
Чәршәмбе, 22 июль 2026, 14:00